2026 ഫിഫ ലോകകപ്പിന്റെ ആവേശം അതിന്റെ പരകോടിയിലെത്തിച്ച് ഫുട്ബോൾ ലോകം കാത്തിരുന്ന ആ മഹാപോരാട്ടം ഇന്ന് അരങ്ങേറുന്നു. ടെക്സസിലെ ഡാളസ് ആർലിംഗ്ടണിലുള്ള എ.ടി. ആൻഡ് ടി. സ്റ്റേഡിയത്തിൽ നടക്കുന്ന ആദ്യ സെമിഫൈനലിൽ ലോകത്തെ ഏറ്റവും മികച്ച രണ്ട് ടീമുകളായ ഫ്രാൻസും സ്പെയിനും തമ്മിൽ ഏറ്റുമുട്ടും. ലോകമെമ്പാടുമുള്ള ആരാധകർ ഈ ടൂർണമെന്റിന്റെ ഡ്രോ നടന്ന ഡിസംബർ മുതൽ കാത്തിരിക്കുന്ന പോരാട്ടമാണിത്. ഇന്ത്യൻ ഫുട്ബോൾ പ്രേമികൾക്ക് ഈ സ്വപ്നതുല്യമായ പോരാട്ടം ഇന്ന് രാത്രി 12:30-ന് (Saudi time 10 pm) തത്സമയം കാണാം.
യൂറോപ്യൻ വമ്പന്മാരായ സ്പെയിനും ഫ്രാൻസും തമ്മിലുള്ള ഒരു ഇതിഹാസ പോരാട്ടത്തിന്റെ മൂന്നാം അധ്യായമാണിത്. മുൻപ് നടന്ന 2024 യൂറോ കപ്പ് സെമിയിലും, 2025 നെഷൻസ് ലീഗ് സെമിയിലും ഫ്രാൻസിനെ തറപറ്റിച്ച് സ്പെയിൻ മേധാവിത്വം നേടിയിരുന്നു. എന്നാൽ തുടർച്ചയായ മൂന്നാം ലോകകപ്പ് ഫൈനൽ ലക്ഷ്യമിട്ടിറങ്ങുന്ന ഫ്രാൻസ് ഇന്ന് ഇറങ്ങുന്നത് ആ പഴയ തോൽവികൾക്കെല്ലാം കണക്കുതീർക്കാനുള്ള കടുത്ത പ്രതികാര ബുദ്ധിയോടെയാണ്.
Leave a Reply