സമഗ്ര ദേശീയ ആപ്ലിക്കേഷനായ തവക്കല്നായില് ജൂണ് മാസത്തില് നാല്പ്പത് സര്ക്കാര്, സ്വകാര്യ, നോണ്-പ്രോഫിറ്റ് മേഖലാ സ്ഥാപനങ്ങളും ഏജന്സികളും 160 പുതിയ സേവനങ്ങള് കൂടി ഉള്പ്പെടുത്തി. സ്വദേശികള്ക്കും പ്രവാസികള്ക്കും വാഗ്ദാനം ചെയ്യുന്ന സര്ക്കാര് ഡിജിറ്റല് സേവന സംവിധാനം മെച്ചപ്പെടുത്താനുള്ള തവക്കല്നായുടെ ശ്രമങ്ങളുടെ ഭാഗമായാണിത്. ഏകീകൃത ദേശീയ പ്ലാറ്റ്ഫോമില് കൂടുതല് ഡിജിറ്റല് സേവനങ്ങള് നല്കിക്കൊണ്ട് ഉപയോക്തൃ അനുഭവം മെച്ചപ്പെടുത്താനുള്ള തവക്കല്നായുടെ ശ്രമങ്ങളുടെ തുടര്ച്ചയാണ് സേവനങ്ങളിലുള്ള ഈ വിപുലീകരണം. ഡിജിറ്റല് പരിവര്ത്തനത്തിനായുള്ള രാജ്യത്തിന്റെ 2030 വിഷന് ലക്ഷ്യങ്ങള്ക്കും സര്ക്കാര് സേവനങ്ങളുടെ കാര്യക്ഷമത വര്ധിപ്പിക്കുന്നതിനും അനുസൃതമായി, സര്ക്കാര്, സ്വകാര്യ, നോണ്-പ്രോഫിറ്റ് മേഖലാ സേവനങ്ങളിലേക്കുള്ള പ്രവേശനം സുഗമമാക്കാനും സമയവും അധ്വാനവും ലാഭിക്കാനും ജീവിത നിലവാരം മെച്ചപ്പെടുത്താനും ഇത് സഹായിക്കുന്നു.
സര്ക്കാര് മന്ത്രാലയങ്ങള്, അതോറിറ്റികള്, സര്വകലാശാലകള്, സര്ക്കാര്, സ്വകാര്യ, നോണ്-പ്രോഫിറ്റ് സ്ഥാപനങ്ങള് എന്നിവയുമായുള്ള പങ്കാളിത്തത്തിലൂടെ, വിദ്യാഭ്യാസം, ആരോഗ്യം, നഗരസഭാ-ഭവനകാര്യം, നീതിന്യായം, പരിസ്ഥിതി, ഗതാഗതം, സമ്പദ്വ്യവസ്ഥ, തൊഴില്, സാമൂഹിക സുരക്ഷ, ടൂറിസം തുടങ്ങിയ മേഖലകളില് ആളുകളുടെ ആവശ്യങ്ങള് നിറവേറ്റുന്ന വൈവിധ്യമാര്ന്ന മേഖലകള് പുതിയ സേവനങ്ങളില് ഉള്പ്പെടുന്നു.
തവക്കല്നായില് 160 പുതിയ സേവനങ്ങള് കൂടി ഉള്പ്പെടുത്തി
Leave a Reply