ജിദ്ദ: യുദ്ധം അവസിക്കുമോ, ഉക്രേനിയൻ പ്രസിഡന്റ് വോളോഡിമർ സെലെൻസ്കി ജിദ്ദയിലെത്തി.
ഇന്ന് നടക്കാനിരിക്കുന്ന യുക്രൈൻ ഉദ്യോഗസ്ഥരും സൗദി, യുഎസ് പ്രതിനിധികളും തമ്മിലുള്ള ചർച്ചകൾക്ക് മുന്നോടിയായാണ് പ്രസിഡന്റ് ജിദ്ദയിൽ എത്തിയത്. റഷ്യ യുക്രൈനെതിരെ പൂർണ്ണ തോതിലുള്ള അധിനിവേശം ആരംഭിച്ചിട്ട് മൂന്ന് വർഷത്തിലേറെയായി. റഷ്യ-യുക്രൈൻ സംഘർഷത്തിൽ നിന്ന് ഒരു വഴി തേടുന്നതിനായി യുക്രൈൻ പ്രസിഡന്റ് സെലെൻസ്കി യുഎസ് ഉദ്യോഗസ്ഥരുമായി ജിദ്ദയിൽ കൂടിക്കാഴ്ച നടത്തും.
സൗദി കിരീടാവകാശി മുഹമ്മദ് ബിൻ സൽമാനുമായി കൂടിക്കാഴ്ച നടത്തുന്ന സെലെൻസ്കി റഷ്യ-ഉക്രൈൻ പ്രശ്നത്തിനു ശാശ്വത പരിഹാരം കൈവരിക്കാനുള്ള സൗദിയുടെ നിരന്തരമായ ശ്രമങ്ങളുടെ ഭാഗമായാണ് ചർച്ചകൾ നടത്തുക.
പ്രതിസന്ധി പരിഹരിക്കുന്നതിനും സമാധാനം കൈവരിക്കുന്നതിനും ലക്ഷ്യമിട്ടുള്ള എല്ലാ രാജ്യാന്തര ശ്രമങ്ങൾക്കും സൗദി അറേബ്യയുടെ താൽപ്പര്യവും പിന്തുണയും കിരീടാവകാശി ഊന്നിപ്പറഞ്ഞു.
മധ്യപൂർവ്വ ദേശത്തും ലോകത്തും സൗദി അറേബ്യയുടെ നിർണായക പങ്ക് ചൂണ്ടിക്കാട്ടി സൗദി അറേബ്യ നടത്തിയ ശ്രമങ്ങൾക്ക് ഉക്രേനിയൻ പ്രസിഡൻ്റ് നന്ദിയും അഭിനന്ദനവും അറിയിച്ചു.
Leave a Reply